قبل ما نبدأ خلينا متفقين إن كل القطع الموجودة في التجميعة ديه قابلة للتغيير أو التعديل لأي
قطعة أخرى و يمكن إختيار قطعة أرخص من أجل إستثمار ثمنها في قطعة أخرى
لشراء أي قطعة من هذه التجميعة إضغط على صورة ( إشتري الأن )
1- البروسيسور :
هنا قررنا نختار بروسيسور من الجيل التاسع و لكن في نفس الوقت يكون سعره رخيص عشان كدة إخترنا :
Intel Core I3-9100F Coffee Lake 4-Core 3.6 GHz
دة بروسيسور من الجيل التاسع بييجي بعدد 4 كور و 4 ثريد و بتردد 3.6 GHz يصل إلى 4.2 GHz
بييجي بكاش 6 ميجا و بيحتاج من الطاقة 65 وات
السعر : 1633 جنيه
2- اللوحة الأم ( Motherboard ) :
طبعا لأن ديه تجميعة إقتصادية, كان لازم نختار مازر بورد إقتصادية بس في نفس الوقت تكون مواصفاتها كويسة فقررنا نختار :
Asus PRIME H310M-A Intel LGA-1151 MATX Motherboard
اللوحة هنا من فئة MATX بمساحة ( 22.6 cm x 18.5 cm ) بتدعم بروسيسورات إنتل من الجيل الثامن و التاسع
بتقبل لحد 32 جيجا رام من فئة DDR4 لحد تردد 2666 ميجا هرتز و كمان بتقبل 1 هارد SSD M.2
السعر : 1266 جنيه
3- كارت الشاشة :
لأن ديه تجميعة جيمينج قررنا نختار كارت حديث و كمان أدائه ممتاز في الألعاب على دقة 1080p و إختارنا :
Asus ROG Strix GeForce GTX 1650 4GB
الكارت بييجي بمساحة أساسية 4 جيجا بتقنية GDDR5 و كمان بييجي بعدد 896 cuda cores
بييجي ب ( Memory Speed ( 8002 MHz و ( Boost Clock Speed ( 1830 MHz
السعر : 3499 جنيه
4- الرام :
طبعا الرام مكنش ينفع تزيد عن 8 جيجا عشان كدة قررنا نجيب حاجة بتردد عالي عشان السرعة و إخترنا :
Team VULCAN Z DDR4 P3000 RAM – 8GB
بمساحة 8 جيجا و تردد 2666 ميجا هرتز
السعر : 699 جنيه
5- الهارد ديسك :
قررنا نختار حاجة تكون مساحتها كبيرة عشان التخزين و كمان سرعتها عالية بس في نفس الوقت إقتصادية :
WD 1TB Blue 3.5″ Internal HDD For PC
بمساحة 1 تيرا بايت و بعدد لفات 7200 لفة في الدقيقة
السعر : 650 جنيه
6- الكيسة و الباور سبلاي :
عشان الفلوس تكفي قررنا نختار كيس للكمبيوتر يكون معاها باور سبلاي و كمان بتهوية كويسة فإختارنا :
Coolermaster Cmp 500 + Power Supply 600W
بتقبل مازر بورد حتى حجم ATX و بييجي معاها مروحة خلفية و مروحة أمامية مضيئة باللون الأحمر
السعر : 1577 جنيه
كدة تكون التجميعة بتاعتنا خلصت
سعر التجميعة بالكامل هو 9324 جنيه
نتمنا نكون أفدناكوا و لو أي حد عنده أي إستفسار بخصوص الكمبيوتر أو اللابتوب يكتبلنا بيه كومنت
