قبل ما نبدأ خلينا متفقين إن كل القطع الموجودة في التجميعة ديه قابلة للتغيير أو التعديل لأي
قطعة أخرى و يمكن إختيار قطعة أرخص من أجل إستثمار ثمنها في قطعة أخرى
لشراء أي قطعة من هذه التجميعة إضغط على صورة ( إشتري الأن )
1- البروسيسور :
هنا قررنا نختار بروسيسور من الجيل التاسع بأداء عالي في الألعاب و لكن في نفس الوقت يكون سعره رخيص عشان كدة إخترنا :
Intel Core I5-9400F Coffee Lake 6-Core 2.9 GHz
دة بروسيسور من الجيل التاسع بييجي بعدد 6 كور و 6 ثريد و بتردد 2.9 GHz يصل إلى 4.1 GHz
بييجي بكاش 9 ميجا و بيحتاج من الطاقة 65 وات
السعر : 2666 جنيه
2- اللوحة الأم ( Motherboard ) :
طبعا لأن ديه تجميعة إقتصادية, كان لازم نختار مازر بورد إقتصادية بس في نفس الوقت تكون مواصفاتها كويسة فقررنا نختار :
Gigabite B365 M AORUS ELITE LGA1151 Motherboard
اللوحة هنا من فئة MATX بتدعم بروسيسورات إنتل من الجيل الثامن و التاسع
بتقبل لحد 32 جيجا رام من فئة DDR4 لحد تردد 3200 ميجا هرتز و كمان بتقبل 2 هارد SSD M.2
كمان اللوحة هنا داعمة لل RGB
السعر : 2099 جنيه
3- كارت الشاشة :
لأن ديه تجميعة جيمينج قررنا نختار كارت حديث و كمان أدائه ممتاز في الألعاب على دقة 1080p و إختارنا :
Zotac aGAMING GeForce GTX 1660 SUPER Twin Fan
الكارت بييجي بمساحة أساسية 6 جيجا بتقنية GDDR6 و كمان بييجي بعدد 1408 cuda cores
بييجي ب Boost Clock Speed : 1785 MHz
بيحتاج باور سبلاي لا يقل 450 وات
السعر : 5199 جنيه
4- الرام :
طبعا لأن ديه تجميعة فئة متوسطة قررنا نخلي الرام 16 جيجا و كمان تكون بتردد عالي عشان السرعة و إخترنا :
Ballistix Sport LT 3200 MHz RAM – 8 GB
هنا هنجيب قطعتين الواحدة بمساحة 8 جيجا و تردد 3200 ميجا هرتز
السعر للقطعة : 699 جنيه
5- هارد SSD :
تجميعة زي ديه مكنش ينفع منحطش فيها هارد SSD و دة عشان السرعة الرهيبة اللي بيزود بيها الجهاز و هنا إخترنا :
AData 250GB SSD SX6000 Pro M.2
بمساحة 250 جيجا بايت
بييجي بسرعة قراءة 2100 ميجا بايت في الثانية و سرعة كتابة 1500 ميجا بايت في الثانية
السعر :1150 جنيه
6- الهارد ديسك :
قررنا نختار حاجة تكون مساحتها كبيرة عشان التخزين فإختارنا :
WD 1TB Blue 3.5″ Internal HDD For PC
بمساحة 1 تيرا بايت و بعدد لفات 7200 لفة في الدقيقة
السعر : 650 جنيه
7- الكيسة و الباور سبلاي :
قررنا نختار كيس للكمبيوتر يكون معاها باور سبلاي و كمان بتهوية كويسة و يكون شكلها شيك و حديث فإختارنا :
Coolermaster CMP-505 Mid Tower Desktop Case – Black + 600W PSU
بتقبل مازر بورد حتى حجم ATX و بييجي معاها مروحة خلفية و 3 مروحة أمامية مضيئة باللون الأحمر
و كمان بييجي معاها باور سبلاي 600 وات
كدة تكون التجميعة بتاعتنا خلصت
سعر التجميعة بالكامل هو 15061 جنيه