قبل ما نبدأ خلينا متفقين إن كل القطع الموجودة في التجميعة ديه قابلة للتغيير أو التعديل لأي
قطعة أخرى و يمكن إختيار قطعة أرخص من أجل إستثمار ثمنها في قطعة أخرى
لشراء أي قطعة من هذه التجميعة إضغط على صورة ( إشتري الأن )
التجميعة ديه مخصصة لألعاب ال ESports بشكل أساسي و تقدر تشغل كل الألعاب من النوع دة زي Fortnite و R6S و Pubg على 144 فريم, و مع ذلك فالتجميعة ديه تقدر تشغل جميع الألعاب الموجودة حاليا على دقة 1080p و كمان تشغل بعض الألعاب على 2K
1- البروسيسور :
هنا قررنا نختار بروسيسور من الجيل التاسع بأداء عالي في الألعاب و لكن في نفس الوقت يكون سعره رخيص عشان كدة إخترنا :
AMD Ryzen 5 3600
دة بروسيسور من الجيل الثالث من رايزن بييجي بعدد 6 كور و 12 ثريد و بتردد 3.6 GHz يصل إلى 4.2 GHz
بييجي بكاش 32 ميجا و بيحتاج من الطاقة 65 وات
بييجي معاه مروحة التبريد الخاصة بيه فمش هتحتاج تجيبله أي كولر خارجي
السعر : 3888 جنيه
2- اللوحة الأم ( Motherboard ) :
طبعا لأن ديه تجميعة إقتصادية, كان لازم نختار مازر بورد إقتصادية بس في نفس الوقت تكون مواصفاتها كويسة فقررنا نختار :
ASRock B450 Steel Legend Socket AM4
اللوحة هنا من فئة ATX بتدعم بروسيسورات AMD Ryzen من الجيل الثالث
بتقبل لحد 64 جيجا رام من فئة DDR4 لحد تردد 3555 ميجا هرتز و كمان بتقبل 2 هارد SSD M.2
كمان اللوحة هنا داعمة لل RGB
السعر : 1860 جنيه
3- كارت الشاشة :
طبعا أفضل كارت فئة متوسطة لألعاب ESports بشكل خاص و لباقي الألعاب و البرامج بشكل عام هو :
Nvidia GTX 1660ti MSI Gaming X
الكارت بييجي بمساحة أساسية 6 جيجا بتقنية GDDR6 و كمان بييجي بعدد 1536 cuda cores
بييجي ب Boost Clock Speed : 1875 MHz
بيحتاج لوصلة 8 بن و باور سبلاي لا يقل 450 وات
السعر : 6800 جنيه
4- الرام :
طبعا لأن ديه تجميعة فئة متوسطة قررنا نخلي الرام 16 جيجا و كمان تكون بتردد عالي عشان السرعة و يكون فيها RGB عشان الشكل الجميل و إخترنا :
Corsair Vengeance RGB Pro DDR4 3200 MHz RAM – 16 GB
هنا هنجيب قطعتين الواحدة بمساحة 8 جيجا و تردد 3200 ميجا هرتز
السعر : 1950 جنيه
5- هارد SSD :
تجميعة زي ديه مكنش ينفع منحطش فيها هارد SSD و دة عشان السرعة الرهيبة اللي بيزود بيها الجهاز و هنا إخترنا :
AData 250GB SSD SX6000 Pro M.2
بمساحة 250 جيجا بايت
بييجي بسرعة قراءة 2100 ميجا بايت في الثانية و سرعة كتابة 1500 ميجا بايت في الثانية
السعر :1150 جنيه
6- الهارد ديسك :
قررنا نختار حاجة تكون مساحتها كبيرة عشان التخزين فإختارنا :
WD 1TB Blue 3.5″ Internal HDD For PC
بمساحة 1 تيرا بايت و بعدد لفات 7200 لفة في الدقيقة
السعر : 650 جنيه
7- الباور سبلاي :
طبعا تجميعة زي ديه كان لازملها باور سبلاي كويس عشان ميتغيرش في المستقبل فإختارنا :
Seasonic S12ii 600W PSU 80+ Bronze
دة باور سبلاي قوي فيه كل الوصلات اللي الكيسة هتحتاجها
8- الكيسة :
تجميعة زي ديه كان لازم نجيبلها كيسة شكلها جميل و يكون فيها تهوية قوية و طبعا فيها RGB فإختارنا :
MSI MAG VAMPIRIC 010 Computer Case
الكيسة بتقبل مازر بورد لحد حجم ATX
بتقبل وضع حتى 6 مراوح ( 3 من الأمام – 2 من فوق – 1 من الخلف )
لكن اللي بييجي معاها هو المروحة الخلفية فقط
السعر : 1399 جنيه
كدة تكون التجميعة بتاعتنا خلصت
سعر التجميعة بالكامل هو 18647 جنيه